حنين

لو كان القرد بص لحاله......
ماكان اللعب جه على باله.
*************
جبنا الآقرع يونسنا..........
كشف راسه وخوفنا.
*************
بيع الجمال واشترى خفه.........
الجمال كثير بس الخفيف صدفه.
***************
ام واحده ربنا محيرها..........
وام عشره ربنا مدبرها.
*************

نسمة ربيع لكن بتكوي الوشـــــــوش
طيورجميلة بس من غير عشـــوش
قلوب بتخفق إنما وحـــــــــــــــــدها
هي الحياه كده ... كلها في الفاشوش
عجبي !!!!

الفيلسوف قاعد يفكر سيبوه
لا تعملوه سلطان و لا تصلبوه
ما تعرفوش إن الفلاسفه يا هوه
اللي يقولوه بيرجعوا يكدبوه
عجبي !!!

**قصه**
كان فيه ولد صغيّر .. عنده انتاشر سنه
عيّل مفعوص و قصيّر ..وغاوى فتونه
بيمثل دور فى ذهنه.. لشخص عظيم الشأن
و يوماتى يحلق دقنه .. مع إنه مالهش دقن
بالموس و خلاص و يحرت.. ( المجنون البعيد )
لحد ما دقنه كبرت .. قال لك ده اليوم ده عيد
و وقف قدام مرايته .. يتنط م الفرح
اكمنه( حسب روايه ) .. زى باباه انجرح
تَعَ شوفه بقى النهارده .. راجل بيه د الحيط
و صداغه كل فرده .. فيها من القطن غيط
يحلف ع النار و الميه .. مهو حالق جمعتين
و دى قصة فلسفية .. مغزاها ف كلمتين
شرم برم ، يا حلوللى .. هأو أو إشّ إشّ
ترالاللى ، أمان يالالاللى .. حرنكش ، طظ فش

http://www.archive.org/details/KalAlfaylasof