2009/12/07

أوراقى القديمه

أوراق قديمه ولكن لها ذكرى لا تنسى لها معنى فى حياتنا من ليس له ماضى فهو بلا حاضر وماضينا يحمل العديد والعديد من الذكريات الجميله التى لاتنسى ها....رجعتو بالزمن معايا شويه وما حدش يقولى قول للزمان ارجع يازمان زى ما بنحلم بحاجات مش بتتحقق وبنقول ده مجرد حلم .هنقول ده مجرد حنين لذكرى قديمه يلا استعدوا معايا..... فى المدرسه مين فينا ماكنش بيكتب لاصدقاءه جمله فى ورقه بتعبر عن صداقتهم واخلاصهم او كلمه من مدرسه او مدرس فى اوتوجراف كلمات جميله فى أوراق قديمه فى أصدقاء كتبوا ووفوا بما كتبوا وما زالوا مستمرين بصداقتهم ولكن فيه أصدقاء لم يبقى منهم الا سطور فى اوراق يعنى ظروفهم جت كده اللى اتنقل واللى سافر لما بنفتح اوراقنا ماننكرش اننا بنفتكرلهم كل خير ونفتكر ايام حلوة بنشتاق لها انها ترجع تانى وطبعا لان كل ماهو قديم افضل من ماهو جديد فالاوراق بنحتفظ بها لكن فى عصر التكنولوجيا ورسائل الموبايلات الكلمات كثير وحلوه لكن الرساله الواحده بتتبعت لأربعين شخص خصوصا لو كانت فى عرض رسائل مجانى يعنى مش لشخصى وكمان لو الذاكره امتلئت بنمسح شويه وده الفرق ان ماضينا جميل بكل المعانى وان الآوراق
هتفضل موجوده للذكرى

شكرا لمدونه رحايا العمر

الفكره دى كانت بعد قراءه

اخر بوست. شوفوه أكيد هيعجبكم

هناك 30 تعليقًا:

blue-wave يقول...

دائما ما تبقى الذكرى
تحياتى

حنين يقول...

دكتور عمر
شكرا لحضورك دائما

اللى موش عارف يتغير يقول...

اهلا يا اهلوية
هتتقطعوا بكره
هههههههههههه
الدنيا اتغيرت فعلا
كانت ايام جميلة
ليت ايام الطفولة تعود يوما فاخبرها انى زعلان
هههههههههه

حنين يقول...

اللى موش عارف يتغير
شكرا على حضورك بس خلى روحك رياضيه ولما نكسب ان شاء الله تعالى بارك وطبعا انت روحك رياضيه وهتيجى
نورتنى واهلا بيك دائما

غير معرف يقول...

ياريت زمان يرجع تانى
يلا محدش بياخد اكتر من نصيبه

حنين يقول...

حنين
ازيك يا نونه ايوه فعلا ياريت الزمان يرجع تانى
نورتينى ودايما منورانى

رحلتنا في الحياة يقول...

ازيك ياحنين البوست ده فكرته حلوة جدا لسه كنت بفكر فى موضوع الرسايل اللى مفيهاش اى مشاعر على الموبايل وبتيجى وتتبعت كل يوم لاكتر من شخص
يمكن حياتنا بقيت مبرمجة اكتر من اللازم مش عايزين نتعب نفسنا اننا نكون ذكريات جميلة من اول وجديد
يعنى اصدقاء زمان والاوتوجرافات بتاعتهم كان ليها طعم تانى وكل شوية نخرجهم نقرا فيهم ونتفرج على الصور ونفتكر الايام اللى مش هترجع
وتلاقى تلقائى نفسنا مش عايزين نكرر ماساة التعرف على اصدقاء من اول وجديد ونفقدهم فى زحمة الحياة
مرسيى ياجميل لزيارتك المدونة

حنين يقول...

ايوشه
نورتينى وشكرا على تعليقك وان شاء الله نتواصل دائما بكل حب وود

عاشقة القمر يقول...

ذكريات حفرناها داخل أعماقنا

وصورا حفظناها في عيوننا

حنين عظيم حبسناه داخلنا

والأشواق باتت واضحة بكلماتنا

والحب لا يمكن أن نخفيه فينا

……………………………..

أعود بأفكاري لزماننا

وأفتش بين ثنايا الضحكات عن سعادتنا

وتأخذني الأحاسيس إلي أحلامنا

واري الثواني تمضي من أمامنا

ولازال نفس الشعور فينا

ودفاترنا لازالت مملوءة برسم طفولتنا

ومقاعدنا لازالت تحوي دفئ حكاياتنا

……………………………..

أسير في دروبنا

ذات الدروب التي مشيناها أيام صبانا

و أتسائل متي نعود لأفراحنا

ونحقق أحلامنا

ونسمع صدى ضحكاتنا

ونمسح دموع الأحزان من طريقنا

ونشبك الأيادي ونرفع الأمل شعارا لنا

……………………………..

خذ عهدي يا صاحبي

مهما طال الزمن أو قصر

مهما جحد الوافي أو نكر

مهما قل الحزن أو كثر

مهما شعرت بالألم أو القهر

ستظل يا صديقي لدنيتي نور

ستظل معي في قلبي مدى الدهر

……………………………..

قد نغيب كالغروب وقد يلهينا الزمن..ولكن يبقي نبض القلب لا ينسي الأحبة

رشا عبيد يقول...

فعلا انا مازلت احتفظ بالاتوجراف الخاص بي منذ ايام الثانوي واحب ان اقراه بين الحين والاخر من اجل تذكر هذه الايام بالرغم من ان هناك بعض الشخصيات التي اقرا كلامها ولكني لااعرف عنها اي شيء الان

هيثــم رمضـــان يقول...

أنا عن نفسي ما بحبش رسايل الموبايل وكل فين وفين لما أبعت رسالة وبفضل إن أتكلم وأسلم علي أصدقائي وأعيد عليهم بدل الرساله أما الأتوجراف والذكريات القديمة فدي حاجه جميلة وأنا عندي أتوجراف بقالوا أكتر من 12 سنه ولسه محافظ علي بعض أصدقائي من إعدادي وثانوي وجامعه وحتي من الجيش اللي مخلصه من 10 سنين رغم بعد المسافات لأن الصداقه شيء جميل جداً وخصوصاً الاصدقاء اللي لينا معاهم ذكريات جميلة.


تحياتي

صدى الصمت - عاشقة الورد - يقول...

ومين يقدر ينسى الأوراق القديمة والذكريات الجميلة ال ماتتعوضش
وال ماتتوصفش ولا تتقارن برسايل التيك أواى بتاعت اليومين دول
ولو إننا برضة ساعات بنبعتها لبعض
هههههه
سلام مؤقت يا حبيبتى

أميرة علي كوكب مهجور يقول...

الحاجات دي مينفعش تتنسي
بنفضل محتفظين بيها
لما بنقراءها بترسم ابتسامه ع وشوشنا

اللى موش عارف يتغير يقول...

تلبية لرغبتك
انا جاى ابارك عالنقطة
ههههههههه
ربنا نجاكم

حنين يقول...

عاشقه القمر
نورتينى وشكرا على تعليقك
وكلامك جميل ورائع انتى عبرتى
عن الذكريات بكلمات جميله
تحياتى لكى وبالتوفيق

حنين يقول...

رشا عبيد

نورتينى وسعيده بزيارتك
وان شاء الله نتواصل
تحياتى

حنين يقول...

هيثم رمضان
فعلا جميل انك تحافظ على صداقات
من ايام اعدادى وثانوي شىء جميل
وخصوصا لما تكون العلاقه مجرده من
اى مصالح يعنى حب بيربط بينكم
تحياتى

حنين يقول...

صدى الصمت
حبيبتى وصديقتى انتى من اجمل الذكريات
الجميله اللى مش ممكن انساها وربنا
ما يفرقنا ابدا

حنين يقول...

اميره على كوكب مهجور
شكرا على زيارتك
نورتينى ويارب دايما
الابتسامه على وشوشنا

حنين يقول...

اللى موش عارف يتغير
شكرا على زيارتك
والمباراه الحمدلله
كانت طيبه والاهم
الروح الرياضيه
الحلوه كانت موجوده
بس برضه انتو اترحمتوا
وربنا سترها معاكم
ههههههههههه

ذكرى رحيل قلم يقول...

السلام عليكم
معكي الف حقققققققققققق
بس انا وصديقاتي كنا بنكتب علي ورق الشجرة العريض والسميك ده عرفاه
وكن بحب قوي ان ورة تقع علي الارض ونخدها وساعات كنا بحتفظ بيه لحد ما ينشف ويبوظ

غير الصور والفلوس
كانت صداقة بجد دلوقتي صعب تلاقي صديق بمعني الكلمة
تحياتي

جارة القمر يقول...

وما أنا الا مجرد كيان مكون من زكريات جميلة

:)

رائعة

بنوتة مصرية يقول...

اختى حنين ..
اعجبنى جداا اسلوبك البسيط فى كتباتك ..
اولا انا من عشاق كل ما هو قديم رغم ميلى للجديد ولكن اعتز بكل شئ قديم حتى وان كانت ورقة فيها شخبطة احتفظ بها ايضا لانها قديمة ولانها تذكرنى بالماضى الجميل انا مثلك حنين احتفظ بكل اوراقى وبعض كتبنى من ايام ابتدائى واى ورقة كتبهولى اصدقائى ايام المدرسة لان كل ذكرة تحمل معاها معانى جميلة لا يهام ولا يفهمها كثير من الناس فالذكرى فى بعض الاحيان بترسم معالم حياتنا القادمة خصوصا وان كنا اوفياء فى ان نتذكر الذكريات دايما وان نحتفظ بصورنا واورقنا القديمة ولا نهملها قد كتبت ما يشبة كلامك حنين كتبت عن حقيبة ذكريتنا وان كل واحد فينا يملك حقيبة ذكريات تخصة هو يحملها معاة اينما يكون ويفتحها ليرى ما فيها اينما يحب هناك من يترك الحقيبة يهفو عليها التراب وهناك من يمسحها كلما غطاها التراب ....
تحياتى لكى صديقتى الجميلة اتمنى دوام التواصل

mhmdwahab يقول...

يا باشا الصدق موجود ومتوفر كمان عايز كام كيلو و احنا نبعتهملك اوام اوام. فى ناس لو رجعت تانى زى زمان تبقى مشكلة كبيرة كنت احب استكشف كل حاجة مافيش حاجة الا ما كسرتها وخلتها 100 حتة لا كدة احسن الواحد يهدى على كبر وكفايى استكشافات

حنين يقول...

ذكرى رحيل قمر
نورتينى شكرا غلى زيارتك وكلنا لنا ذكريات جميله بنعبر بها عن مشاعر حقيقيه.

ح يقول...

جاره القمر
سعيده بزيارتك
ونورتينى

حنين يقول...

بنوته مصريه
شكرا غلى زيارتك
واتمنى التواصل بيننا
ان شاء الله

حنين يقول...

mhmdwahab
شكرا على زيارتك
والحمدلله انك بطلت
استكشاف وكبرت.

الغاردينيا يقول...

مافي أحلى من ذكرياتنا هذا شئ اكيد

وانا من الناس اللى بيعشوا اي شئ

قديم عشان فيه نكهة الذكرى ,,

ودي واحترامي

الغاردينيا يقول...

اسفه كنت اقصد اقول اني من الناس اللى بيعشقوا الذكرى

و دا تصحيح للعبارة ^_^

كان فيه واد اسمه الشاطرعمر وكمان كان فيه جدو بشنبات .......(فاكرينه)

ياولاد ياولاد اه اه تعالو تعالو علشان نسمع ابله فضيله.ياترى فاكرينها يلا نستعيد زكريات زمان 1

أعمالى الفنية

أعمالى الفنية


**يا ورده الحب الصافى**



غار حراء

مولاى

بحث هذه المدونة الإلكترونية